“Lëndina e Kaprollit” u mbush nga prania e shumë pjesëmarrësve dhe turistëve të huaj, të cilët patën mundësinë të njiheshin nga afër me kulturën, traditat, destinacionet e parkut si dhe sportet e ndryshme, që mund të zhvillohen në natyrë.
Parku Kombëtar “Shebenik” është një nga zonat më të bukura malore, në lindje të Shqipërisë. Një oaz i mrekullueshëm natyror, në të cilin strehohet një ndër pasuritë më të çmuara të vendit tonë, Rrajca e pyjeve të ahut, më e vjetra në Evropë.Pyjet e ahut, me një sipërfaqe prej mbi 2300 ha, mbi 300 vjeçare, janë pjesë e listës së trashëgimisë botërore të UNESCO-s që prej vitit 2017.