Vetëm 10 km larg qytetit të Korçës do të mund të vizitoni Bredhin e Drenovës, një pasuri natyrore mjaft e frekuentuar nga vendasit dhe jo vetëm. Një destinacion ku mund të eksploroni jo vetëm pasuritë natyrore por edhe ato kulturore.
Bredhi i Drenovës përbëhet nga ekosisteme dhe habitate të larmishem të cilat krijojnë peizazhe tërheqëse malorë, pyjorë, shkëmborë, me një reliev me variacion të lartë. Ai përfaqëson gjithashtu një habitat dhe biokorridor kyç për vertebrorët e mëdhenj, si: ariu, ujku dhe kaprolli.
