Është mbajtur në Vlorë seminari kushtuar praktikave të mira për mbrojtjen e breshkave të detit, nën drejtimin e Prof. Antonio Vito Francesco di Bello dhe Prof. Stefano Ciccarelli nga Universiteti i Barit.
Pjesë e këtij seminari ishin grupe të ndryshme të interesit, të tilla si: institucione shtetërore, AdZM-të, studentë të Universiteteve të Vlorës, shoqata lokale mjedisore. Një angazhim i përbashkët në monitorimin dhe studimin e biologjisë dhe ekologjisë së breshkave të detit si dhe kërcënimet që hasin këto specie gjatë periudhave të ndryshme të ciklit të jetës së tyre. Gjithashtu rëndësi të veçantë kanë dhe mënyrat si mund të menaxhohet një zonë e mbrojtur për folezimin e breshkave të detit.