U zhvillua ditën e sotme takimi i Komitetit të Menaxhimit të Zonave të Mbrojtura Mjedisore, Qarku Tiranë, nën drejtimin e Prefektit të Qarkut Tiranë dhe me pjesëmarrjen e përfaqësuesve të institucioneve vendore, si dhe të Agjencisë Kombëtare të Zonave të Mbrojtura (AKZM).
Gjatë takimit u theksua rëndësia e zonave të mbrojtura, veçanërisht Parku Kombëtar “Mali i Dajtit”, si dhe u evidentuan problematikat aktuale dhe prioritetet për periudhën në vijim.
Nga ky takim u konstatuan problematika si rreziku i zjarreve gjatë verës dhe prania e mbetjeve urbane në Zall-Bastar. U vendosën masa për forcimin e bashkërendimit ndërinstitucional, rritjen e kontrollit në terren dhe organizimin e një aksioni për pastrimin e mbetjeve.