Mbështetur në vlerat e natyrës dhe të biodiversitetit që ka ekosistemi natyror Pashtrik-Morinë, sikurse dhe mbi bazën e dispozitave që rrjedhin nga ligji nr. 81/2017 “Për zonat e mbrojtura”, i ndryshuar, që si objekt të tij, ndër të tjera, ka shpalljen e zonave të mbrojtura mjedisore, Ministria e Turizmit dhe Mjedisit dhe Agjencia Kombëtare e Zonave të Mbrojtura kanë nisur punën për hartimin e planit të shpalljes zonë e mbrojtur e Kategorisë IV (Park Natyror), të zonës Pashtrik-Morinë.
Në vijim të procesit për shpalljen zonë e mbrojtur të Parkut Natyror “Pashtrik – Morinë” (Kategoria IV e zonave të mbrojtura mjedisore sipas IUCN) dhe në zbatim të shkronjës d, pika 1, neni 12 i ligjit nr. 81/2017 “Për zonat e mbrojtura”, i ndryshuar, e cila citon se:
“Plani i shpalljes së zonave të mbrojtura mjedisore publikohet në faqen zyrtare të ministrisë përgjegjëse për zonat e mbrojtura dhe në bashkinë apo qarkun ku ndodhet zona që propozohet të shpallet”, gjeni më poshtë planin e shpalljes së Parkut Natyror “Pashtrik – Morinë”.
