Mirëpritëm në mjediset e Agjencisë Kombëtare të Zonave të Mbrojtura, misionin e mbikëqyrjes nga Banka Gjermane për Zhvillim, Z. Matthias Grueninger dhe Z.Gerhard Dieterle.
Projektet mbi Prespën dhe grantet e PONT-it ishin fokusi i vizitës disa ditore të dy përfaqësuesve, me të cilët ndamë arritjet deri më tani, sfidat e hasura në pesë zona të mbrojtura të bashkëpunimit.
Besimplotë dhe të dedikuar në misionin e çdo dite, në mbrojtjen dhe mirëmenaxhimin e Zonave të Mbrojtura, synojmë që së bashku me partnerët tanë, të mund të zbatojmë në të ardhmen projekte të reja, duke e shtrirë më gjerë hartën e zonave të mbrojtura.