Dhelpra (Vulpes vulpes) ishte në fokus të kamerave kurth, pjesë e Parkut Kombëtar “Bredhi i Hotovës-Dangëlli”. Parku ka habitate të qeta dhe të bollshme për zhvillimin e jetës së egër ku gjejnë streh shumë lloje kafshësh dhe shpendësh.
Dhelpra është kafshë grabitqare, e cila jetën e saj e gjallëron në mënyrë enigmatike dhe kryesisht gjuan gjahun e saj nën errësirën e natës. Ditën e kalon e strukur në vende të dendura ose në strofullën e saj, shpesh të krijuar në shkrepa apo gryka me bimë të dendura.