Në eventin dedikuar Vjosës gjatë punimeve të Cop15, Ministrja e Turizmit dhe Mjedisit Mirela Kumbaro Furxhi bashkë me CEO-n e Patagonia Ryan Gellert dhe zëvendësministrin grek të Mjedisit Georgios Amyras, morën angazhimin se i njëjti proces do të ndodhë edhe në Greqi për mbrojtjen e lumit AOS që buron nga malet e Pindit duke e bërë gjithë Vjosën në dy shtete zonë të mbrojtur.
Pas kësaj faze studimi ndërdisiplinor të realizuar sipas standardeve të përcaktuara, në fillim të vitit 2023 do të përgatitet e gjithë procedura ligjore, për t’a shpallur zyrtarisht Parkun Kombëtar të lumit të fundit të egër në Europë.
Një ekip i plotë ekspertësh nga fusha të ndryshme, me eksperienca të ngjashme në shumë vende të botës është angazhuar për përgatitjen e dokumentacionit të thelluar për shpalljen e Vjosës Park Kombëtar.