Agjencia Kombëtare e Zonave të Mbrojtura organizoi sot takimin teknik “Mbi shpalljen e ekosistemit të Parkut Natyror Pashtrik-Morinë si Zonë e Mbrojtur (kategoria IV)”.
Drejtoresha e AKZM-së Znj. Daniel Pirushi, së bashku me AdZM Kukës dhe organizatën PPNEA prezantuan për të pranishmit punën e realizuar deri më tani, si dhe fazat e procesit mbi shpalljen e ekosistemit të Parkut Natyror Pashtrik-Morinë si Zonë e Mbrojtur (kategoria IV)”.
Për t’ju bashkuar iniciativës së ndërmarrë nga Ministria e Turizmit dhe Mjedisit, Agjencia Kombëtare e Zonave të Mbrojtura, AdZM Kukës dhe Prefektura Kukës, ju ftojmë të bashkoheni me ne në takimin e datës 24 korrik, për të ndarë së bashku informacione, mendime dhe rekomandime mbi shpalljen e Parkut Natyror “Pashtrik-Morinë” si Zonë e Mbrojtur.