Në kuadër të projektit #EU4Nature, u zhvillua sot takimi i dytë teknik për detajimin e Planit Financiar të Parkut Kombëtar të Malit të Dajtit, i cili është aktualisht në proces hartimi nga konsulenti i kontraktuar nga UNDP, në bashkëpunim me AdZM Tiranë dhe Agjencinë Kombëtare të Zonave të Mbrojtura. Plani financiar do të lidhë objektivat e Planit të Menaxhimit me të ardhurat dhe shpenzimet e nevojshme për arritjen e tyre gjatë një periudhe 10-vjeçare, përmes dy skenarëve – bazik dhe optimal dhe vleresimit te “GAP” ne financim. Ky proces synon të forcojë planifikimin afatgjatë dhe qëndrueshmërinë financiare të parkut, duke mbështetur menaxhimin efektiv dhe të qëndrueshëm të tij.
Projekti #EU4Nature financohet nga Bashkimi Europian dhe Qeveria Suedeze, dhe zbatohet UNDP dhe AICS, në bashkëpunim me Ministrinë e Mjedisit dhe AKZM.