Agjencia Kombëtare e Zonave të Mbrojtura ka nisur implementimin e projektit “Zgjidhje mjedisore dhe turistike për liqenin e Shkodrës”, me takimin e parë të mbajtur në Liqenin e Shkodrës. Projekti financohet nga marrëveshja e shkëmbimit të borxhit italo-shqipëtar për zhvillim (IADSA II) nënshkruar në kuadër të Programit të Bashkëpunimit për Zhvillimin Italo – Shqipëtar.
Projekti synon zhvillimin dhe testimin e një oferte turistike të gjelbërt dhe të qëndrueshme në Rezervatin Natyror të Menaxhuar “Liqeni i Shkodrës”. Takimi i parë kishte për qëllim prezantimin e rrjetit të aktorëve kryesorë, si dhe potencialë, gjithashtu njohjen me zonën dhe përmbylljen e planit operacional.
Pjesëmarrës në takim ishin përfaqësues nga Universiteti i Barit, Universiteti i Shkodrës, Prefektura e Qarkut Shkodër, Bashkia Shkodër, Shoqata, Operatorë Turistikë të zhvillimit të aktiviteteve sportive ujore, AKZM, AdZM Shkodër dhe Drejtoria Rajonale e Trashëgimisë Kulturore, Shkodër.