U zhvillua takimi i Komitetit të Menaxhimit të Zonave të Mbrojtura të Qarkut Dibër, nën drejtimin e Prefektit të Qarkut Dibër, me pjesëmarrjen e përfaqësuesve të AKZM-së dhe anëtarëve të Komitetit të Menaxhimit. Gjatë takimit u prezantuan rezultatet e punës së realizuar deri më tani në zonat e mbrojtura, si dhe u vlerësua bashkëpunimi ndërinstitucional, i cili do të vijojë edhe në të ardhmen.
Po ashtu, u diskutuan problematikat dhe sfidat me të cilat përballen zonat e mbrojtura, si dhe masat e nevojshme për adresimin e tyre, me synim forcimin e menaxhimit dhe ruajtjen e vlerave natyrore të këtyre zonave. Ruajtja e biodiversitetit dhe menaxhimi i qëndrueshëm mbeten prioritete të përbashkëta për të gjitha institucionet e përfshira.