Ekoturizmi gjithëvjetor në Parkun Kombëtar të Alpeve ishte fokusi i tryezës së gjelbër, organizuar në datën 31 korrik në Koplik. Alpet me madhështinë e tyre na rendisin ndër vendet e pakta me maja të thepisura, mbi 2000 metra.
Panelistë dhe të ftuar diskutuan për vlerat që mbart parku, mbi të cilat vijon edhe një studim për asetet natyrore, mjedisor kulturore dhe sociale. Rezultatet e përftuara nga studimi do të përcaktojnë gjendjen reale të tij. Pjesë shumë e këndshme e tryezës ishte edhe vizita pranë mjediseve të sipërmarrjes familjare Salva Nord, një model i mirë i bashkëjetesës së komunitetit me natyrën e Malësisë së Madhe, për mbrojtjen e biodiversiteti dhe trashëgimisë gjenetike të trojeve malore dhe me gjerë.