Znj. Pirushi prezantoi për të gjithë të pranishmit procesin e nisur nga AKZM mbi rishikimin e elementeve tekniko-formale të VKM-ve mbi shpalljen e zonave të mbrojtura, në kuadër të përmbushjes së detyrimeve që rrjedhin nga dispozitat kalimtare të ligjit nr. 21/2024.
Profesorët dhe studiues nga Universiteti i Tiranës dhe Fakultetit i Shkencave të Natyrës do të jenë bashkudhëtarë në këtë proces, duke ofruar ekspertizën e tyre përgjatë rishikit të akteve ligjore të shpalljes.

Së bashku me Anetarët e Komitetit të Menaxhimit, përfaqësues të institucioneve lokale dhe organizatave të ndryshme, diskutuam mbi çështjet e nënzonimit të brendshëm të parkut, si dhe mbi menaxhimin e qendrushëm të tij.

Agjencia Kombëtare e Zonave të Mbrojtura ka në fokus të saj edhe të rinjtë për t’i njohur ata jo vetëm me këtë aset natyror i cili mban statusin Park Kombëtar, por edhe për t’i përfshirë ata në programin “Të rinjtë dhe Biosfera”, nëpërmjet tureve në Vjosë.

Muaji shtator do të shënjojë dy hapa të tjerë të rëndësishëm për Vjosën, siç është miratimi i “Planit të Integruar të Menaxhimit të Parkut Kombëtar Lumi Vjosa” dhe përfshirja e saj në programin “Njeriu dhe Biosfera”, pjesë e UNESCO-s.

Në kuadër të kësaj dite si edhe nismës së ndërmarrë nga AKZM “Turi i Vjosës”, së bashku me AdZM Vlorë, studentë dhe dashamirës të natyrës, pamë nga afër grykëderdhjen e lumit Vjosa, duke realizuar në fund edhe një shembull konkret mbi mënyrë e monitorimit të cilësisë së ujit.

Agjencia Kombëtare e Zonave të Mbrojtura, së bashku me partnerët e këtij projekti ndanë eksperiencat dhe synimet e përbashkëta mbi implementimin e projektit me fokus luginën e lumit Vjosa.

-Përmirësimin e infrastrukturës në shtigjet natyrore;
-Ngritjen e një pike informuese për vizitorët;
-Ngritjen e mjediseve çlodhëse, si dhe argëtuese për vizitorët.

Vizitat në terren konsistuan në njohjen nga afër me investimet e kryera në Qendrën e Informacionit në Lajthizë, Bashkinë Pustec, si dhe realizimin e shtegut të Zonjave, në të cilën ndodhet një prej lerave të financuara nga KfW.

Vizitat në terren vijoi edhe me njohjen nga afër të Qendrës së Vizitorëve në Fushë Studen, monumentin e natyrës Shpella e Akullit dhe pyllin e mrekullueshëm të Rrajcës, pjesë e UNESCO-s.

Të pranishmit në takim patën mundësinë të njiheshin nga afër me ecurinë e punës së realizuar deri më tani nga Agjencia Kombëtare e Zonave të Mbrojtura mbi Planin e Integruar të Menaxhimit.

Takimi kishte në fokus të tij prezantimin e punës së bërë nga partneriteti PONT dhe AKZM përgjatë këtij viti, si dhe ambicjen e përbashkët për të vijuar me zona të reja dhe me iniciativen PONT Connect.

Misioni do të vijojë vizitën e tij në Parkun Kombëtar të Shebenikut dhe në Parkun Kombëtar të Prespës.