Lajmet e fundit

Notice

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: media/k2/galleries/340

Së bashku punojmë për natyrën

SE BASHKU PUNOJME PER NATYREN

Në mbyllje të vitit, partnerët që punojnë për përmirësimin e menaxhimit të zonave të mbrojtura në Shqipëri u mblodhën së bashku për të diskutuar aktivitetet përgjatë 2 viteve të fundit. Që prej krijimit të saj në 2014, Agjencia Kombëtare e Zonave të Mbrojtura (AKZM) është mbështetur nga projekti i financuar nga BE, NaturAL dhe “Mbështetje institucionale për menaxhimin e zonave të mbrojtura” i financuar nga Ministria e Punëve të Jashtme të Italisë.

I organizuar më 20 dhjetor aktiviteti “Së bashku punojmë për natyrën 2016 – Drejt përmirësimit të menaxhimit të zonave të mbrojtura në Shqipëri” ishte një mundësi shumë e mirë për të vlerësuar bashkëpunimin dhe kontributin e partnerëve. Takimi i shërbeu vlerësimit të aktiviteteve dhe strategjive që do të ndiqen për të kapërcyer pengesat e identifikuara për të përmirësuar menaxhimin e zonave të mbrojtura.

Pjesëmarrës në aktivitet ishin 150 persona, punonjës të AKZM-së dhe zyrave rajonale të saj dhe persona të përkushtuar që kanë kontribuar gradualisht në përmirësimin e menaxhimit të zonave të mbrojtura.  Përfaqësues të çdo Agjencie Rajonale të Zonave të Mbrojtura (AdZM) prezantuan arritjet në përmirësimin e menaxhimit të zonave të mbrojtura gjatë 2016, duke vënë theksin në mbështetjen dhe kontributin e projekteve. Ata prezantuan edhe synimet kryesore për vitin e ardhshëm.

Takimi i shërbeu qëllimit për të forcuar bashkëpunimin dhe frymën e bashkëpunimit mes stafeve të AKZM/AdZM. Aktiviteti erdhi në momentin e duhur për të përmbushur këtë qëllim falë edhe mbështetjes së projekteve dhe përpjekjeve të drejtuesve të Agjencive dhe stafit qëndror dhe vendor. Ishte me shumë vlerë dhe përfitim, shkëmbimi i pikëpamjeve dhe koha e shpenzuar në një mjedis informal me komente miqësore, pozitive dhe negative, por që i shërbejnë procesit mes të gjithë personave të angazhuar në përmirësimin e menaxhimit të zonave të mbrojtura në Shqipëri.

Aktiviteti u mbështet nga kontributi i dy projekteve NaturAL “Forcimi i Kapaciteteve Kombëtare për Ruajtjen e Natyrës – Përgatitja për Rrjetin Natura 2000”, financuar nga Bashkimi Evropian dhe bashkëfinancuar dhe zbatuar Agjencia Italiane për Bashkëpunim dhe Zhvillim në bashkëpunim me Unionin Ndërkombëtar për Ruajtjen e Natyrës (IUCN) dhe Shoqërinë Botanike Italiane (SBI) dhe “Mbështetje institucionale për menaxhimin e zonave të mbrojtura” i financuar nga Ministria e Punëve të Jashtme të Italisë dhe zbatuar nga IUCN.

Synimi ynë është mbështetja ndaj Shqipërisë në mbrojtjen dhe ruajtjen e biodiversitetit, duke prezantuar një qasje shkencore në menaxhimin e zonave të mbrojtura. Këtë e kemi realizuar duke punuar ngushtësisht me Ministrinë e Mjedisit dhe stafin e AKZM të cilët i kemi përfshirë në çdo aspekt të projektit, duke besuar se kjo është mënyra më e mirë jo vetëm për të transferuar njohuritë por edhe për t’i motivuar ata më tej” – tha Andrea Ghiurghi, menaxher projekti, IUCN. “Ky aktivitet është në linjën e qasjes tonë – nxit një ndjenjë pronësie të zonave të mbrojtura për të cilat është përgjegjëse AKZM” përfundoi ai.

Fotogaleri

{gallery}340{/gallery}

Regjistrohu me E-mail

Adresa/Kontakte

Rruga: Norbert Jokl KP:1000, Tiranë, Albania

Tel: +35542258120 / +35542225068

Email:
info@akzm.gov.al
denonco@akzm.gov.al

Rrjetat Sociale/Mobile App

googleplay